Лінкі ўнівэрсальнага доступу

Расейскія незалежныя рэсурсы «Открытые медиа», «Правозащита Открытки» і «МБХ медиа» абвясьцілі аб спыненьні працы


MBK media channel in Yandex Zen service

Генэральная пракуратура РФ лічыць «Открытые медиа» зьвязанымі з арганізацыямі, прызнанымі непажаданымі на тэрыторыі РФ, аднак журналісты дагэтуль ня маюць пацьверджаньня гэтай інфармацыі ад «Роскомнадзору».

Пра гэта паведамілі ў выданьні, падкрэсьліўшы, што праект ніколі не працаваў зь непажаданымі структурамі.

«Што такое статус „зьвязаныя зь непажаданымі арганізацыямі“ — я да канца не разумею, — сказала ў эфіры „Настоящего времени“ Юлія Яраш, галоўны рэдактар „Открытых медиа“. — Юрысты таксама не разумеюць, але яны, вядома, бачаць у гэтым небясьпеку. Наша кампанія, Open Press, ніколі не была непажаданай і ніколі не супрацоўнічала зь непажаданымі кампаніямі. Мы лічылі, што ўсё робім паводле закону, але атрымалі сыгнал ад Генпракуратуры і „Роскомнадзору“, што яны лічаць інакш. На жаль, становішча такое, што трэба спыніць нашу працу, каб людзі не рызыкавалі атрымаць крымінальную справу».

«Правозащита Открытки» таксама спыніла сваю працу, абвясьціла юрыстка Анастасія Буракова. «Трэба нешта сказаць у сувязі з навінамі аб блякаваньнях. Пакуль коратка: «„Правозащита Открытки“ спыніла сваю працу», — напісала яна.

Спыніла працу і выданьне «МБХ медиа». На сайце сказана, што «Роскомнадзор» заблякаваў іх сайт, на гэты момант ён не адкрываецца ў большасьці правайдэраў у Расеі.

Доступ да рэсурсу абмежаваны паводле рашэньня Генпракуратуры ад 3 жніўня. У сувязі з чым заблякаваны сайт, невядома. Пры гэтым ніякіх апавяшчэньняў ні ад Генпракуратуры, ні ад «Роскомнадзору» рэдакцыі не паступала, зазначае выданьне.

«Я не гатовая ставіць пад пагрозу свабоду і жыцьці іншых людзей. Міхаіл Хадаркоўскі — таксама. Праект „МБХ медиа“ закрываецца. Я вельмі ўдзячная ўсім, хто працаваў з намі ўсе гэтыя гады. Мы рабілі клясныя рэчы. Дзякуй вам. Я ўдзячная ўсім, хто нас чытаў, глядзеў і слухаў. Вы тыя, для каго мы працавалі. Дзякуй вам за цікавасьць і падтрымку», — напісала ў фэйсбуку былая галоўная рэдактарка Вераніка Куцыла.

Увечары 4 жніўня «Роскомнадзор» заблякаваў сайты выданьняў «Открытые медиа» і «МБХ медиа». «Открытые медиа» паведамілі ў Тэлеграме, што яны ўнесеныя ў адмысловы сьпіс «Роскомнадзору» як рэсурс, які зьмяшчае заклікі да масавых беспарадкаў і экстрэмісцкай дзейнасьці.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG