Лінкі ўнівэрсальнага доступу

Суд у Маскве ўпершыню аштрафаваў Google на 3 млн расейскіх рублёў за адмову лякалізаваць зьвесткі карыстальнікаў у Расеі


Міравы судзьдзя судовага ўчастку № 422 Таганскага раёну Масквы аштрафаваў Google на 3 млн расейскіх рублёў за адмову лякалізаваць зьвесткі карыстальнікаў у Расеі. Пра гэта паведамляе «РИА Новости» са спасылкай на суд.

Кампанію Google LLC прызналі вінаватай у парушэньні заканадаўства РФ у галіне пэрсанальных зьвестак (частка 8 артыкулу 13.11 КаАП). Гэта першы падобны штраф, вынесены кампаніі, падкрэсьлівае агенцтва.

У траўні сёлета кампаніі Google прысудзілі штраф памерам 6 млн расейскіх рублёў за невыдаленьне «супрацьпраўнага кантэнту» з «заклікамі» да ўдзелу ў зімовых акцыях у падтрымку палітыка Аляксея Навальнага.

Дагэтуль кампанія Google упершыню падала пазоў да «Роскомнадзора», бо ведамства патрабавала выдаліць зь ютубу 12 ролікаў, дзе, паводле вэрсіі Генэральнай пракуратуры, ёсьць заклікі ўдзельнічаць у студзеньскіх мітынгах.

«Роскомнадзор» ня раз штрафаваў такія замежныя сэрвісы, як Google, Facebook і Twitter, за адмову выдаліць на яго патрабаваньне «забароненую інфармацыю». Толькі ў пачатку красавіка сэрвіс мікраблогаў Twitter аштрафавалі за гэта на 8,9 млн расейскіх рублёў.

Да гэтага ўлады замарудзілі працу сацыяльнай сеткі і пагражалі блякаваньнем, але ад гэтага пазьней адмовіліся. Пры гэтым запаволеньне захаваецца на мабільных прыладах. «Роскомнадзор» пасьля гэтага «ў разе невыдаленьня забароненай інфармацыі» пагражаў запаволеньнем працы кампаніі Google.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG