Лінкі ўнівэрсальнага доступу

Гросмайстар Кавалёў больш не прадстаўляе Беларусь на турнірах, летась ён выступіў за новыя выбары


Шахматы, ілюстрацыйнае фота

Летась у жніўні Ўладзіслаў Кавалёў быў сярод першых падпісантаў ліста спартоўцаў за свабодныя выбары і супраць гвалту.

Неўзабаве пасьля гэтага спартоўца звольнілі з Рэспубліканскага цэнтру алімпійскай падрыхтоўкі. Пасьля ён адмовіўся выступаць у чэмпіянаце краіны на знак пратэсту супраць парушэньня сваіх канстытуцыйных правоў.

Як вынікае з паведамленьня на спэцыялізаваным партале chess-news.ru, цяпер насупраць прозьвішча Ўладзіслава Кавалёва ў афіцыйным рэйтынг-лісьце пазначана FIDE (Міжнародная фэдэрацыя шахматаў).

У пачатку гэтага году Ўладзіслаў Кавалёў зьехаў за мяжу, каб «вярнуцца ў свабодную Беларусь», сказаў ён тады.

Сам гросмайстар не камэнтуе зьмены спартовага грамадзянства, хоць пад эгідай FIDE цяпер рыхтуецца да Кубку сьвету ў расейскім Сочы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG