Лінкі ўнівэрсальнага доступу

Раману Пратасевічу прысудзілі міжнародную прэмію Ion Raţiu Democracy Award


Раман Пратасевіч, архіўнае фота

Журналіст стаў другім беларусам, які атрымаў гэтую прэстыжную прэмію.

«Для нас вялікі гонар узнагародзіць прэміяй за 2021 год маладога беларускага журналіста і актывіста Рамана Пратасевіча, які даў голас усёй краіне падчас найбуйнейшых антыўрадавых пратэстаў у гісторыі Беларусі, выкарыстоўваючы тэхналёгіі і новыя мэдыя на карысьць дэмакратыі. Рамана і яго дзяўчыну Соф’ю Сапегу тэрмінова трэба вызваліць», — заявіў Нікулаэ Рачу, старшыня створанага ў 1979 годзе дабрачыннага фонду сям’і Рачу.

Ляўрэатам прэміі прадастаўляюць права на паездку ў цэнтар Вільсана ў Вашынгтон на тэрмін ад 1 да 3 месяцаў. Там яны маюць магчымасьць узаемадзейнічаць з палітыкамі, сродкамі масавай інфармацыі і навуковымі суполкамі.

У розныя гады ляўрэатамі прэміі станавіліся асобы з розных краін і кантынэнтаў. Раман Пратасевіч — другі беларус, які ўганараваны ёй. Першым стаў экспэрт у нямецкай філязофіі Анатоль Міхайлаў.

Іён Рачу (1917-2000) — румынскі палітык і інтэлектуал, які займаўся праблематыкай дэмакратычных пераўтварэньняў ва ўсім сьвеце. Democracy Award, якая грунтуецца на ягоных дасягненьнях, падтрымлівае людзей па ўсёй плянэце, якія працуюць дзеля дэмакратыі — актывістаў і інтэлектуалаў, незалежна ад таго, ці яны ў выгнаньні з-за рэпрэсіўных рэжымаў, ці прадстаўляюць дэмакратычныя краіны, што разьвіваюцца.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG