Лінкі ўнівэрсальнага доступу

Улады Менску вырашылі паставіць помнік мітрапаліту Філарэту


Былы патрыяршы Экзарх усяе Беларусі, мітрапаліт Менскі і Слуцкі Філарэт. Архіўнае фота.

Старшыня Менскага гарвыканкаму Ўладзімер Кухараў прэзэнтаваў праект ушанаваньня памерлага ў пачатку году мітрапаліта Філарэта.

Помнік прапануецца паставіць побач з катэдральным саборам ля плошчы Свабоды ў Менску.

Як піша тэлеграм-канал «Пул першага», Аляксандар Лукашэнка ідэю ўхваліў.

Мітрапаліт Філарэт (Кірыл Вахрамееў) кіраваў Беларускай праваслаўнай царквой ад канца 1970-х, калі быў прызначаны мітрапалітам Менскім і Беларускім. У 1989-м ён стаў мітрапалітам Менскім і Горадзенскім, Патрыяршым Экзархам усёй Беларусі.

Герарх памёр 12 студзеня, перад гэтым перахварэўшы на каранавірус. Яму было 85 гадоў. Пахаваны на тэрыторыі Жыровіцкага манастыра.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG