Лінкі ўнівэрсальнага доступу

Бізнэсоўцаў спыталі, што дапаможа эканоміцы. Адказалі: спрасьціць падаткі, спыніць палітычныя рэпрэсіі


Каля Дэпартамэнту фінансавых расьсьледаваньняў, ілюстрацыйнае фота

Дасьледчы цэнтар «ІПМ» зладзіў апытаньне кіраўнікоў 211 беларускіх кампаніяў аб тым, як яны ацэньваюць магчымыя дзеяньні беларускіх уладаў: што палепшыць, а што пагоршыць эканамічную сытуацыю.

Паводле вынікаў апытаньня, якія апублікавалі ў Telegram-канале «Кастрычніцкага эканамічнага форуму», бізнэсоўцы лічаць, што эканамічную сытуацыю пагоршыць:

  • стварэньне буйных холдынгаў на базе дзяржаўных прадпрыемстваў і канцэрнаў;
  • жорсткі кантроль над цэнамі;
  • друк дадатковых грошай і раздача іх прадпрыемствам на мадэрнізацыю.

Варыянт «рэзка скараціць тэрміны падключэньня да электрасетак і іншай інфраструктуры» ў сярэднім палічылі нэўтральным — не дапаможа і не пашкодзіць. Бізнэсоўцаў прасілі выстаўляць варыянтам дзеяньня ўладаў ад 1 да 5 балаў (1 — вельмі пашкодзіць, 5 — вельмі дапаможа). Гэты варыянт набраў роўна 3.

Палепшыць сытуацыю, паводле апытаньня, наступнае:

  • маштабная прыватызацыя дзяржаўных прадпрыемстваў;
  • мараторый на праверкі кантрольных органаў на 3 гады;
  • забарона прывязкі ставак арэнды да валюты і адмена рэгуляваньня ставак арэнды дзяржаўнай нерухомасьці;
  • спыненьне адміністрацыйнага і крымінальнага перасьледу людзей за палітычныя погляды;
  • зьмяншэньне колькасьці падаткаў і спрашчэньне іх адміністраваньня пры захаваньні агульнай сумы падаткаў.

У аналізе вынікаў адзначаюць: ідэя маштабнай прыватызацыі набрала не нашмат больш за тры балы, такую сытуацыю можна інтэрпрэтаваць як «напэўна, ад прыватызацыі стала б крыху лепш».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG