Лінкі ўнівэрсальнага доступу

З барысаўскіх Печаў уцёк салдат. Яго ня могуць знайсьці ўжо тыдзень


Вайсковая частка ў Печах, архіўнае фота

Пра лёс салдата тэрміновай службы Аляксандра Неўмяржыцкага нічога не вядома з 19 сакавіка, пошукі працягваюцца.​ Інфармацыю аб зьнікненьні з часткі салдата тэрміновай службы пацьвярджаюць у Міністэрстве абароны.

«Родам зь Лельчыцкага раёну (салдат. — РС), шукалі з сабакамі і нават зьвярталіся да варажбітак, — першым паведамленьне пра зьнікненьне Неўмяржыцкага зьявілася ў тэлеграм-канале NEXTA . — Але інфармацыі пра яго месцазнаходжаньне да гэтага часу няма. Кажуць, яшчэ на выходных 23.02 і 8.03 ён прыяжджаў дадому ў звальненьне за адзнакі па службе, і нішто не прадказвала бяды».

Інфармацыю пра зьнікненьне салдата зь Печаў пацьвердзілі ў Мінабароны. Паводле афіцыйнага прадстаўніка ведамства Ўладзімера Макарава, пошукі працягваюцца. Заведзеная крымінальная справа паводле артыкулу «Самавольнае пакіданьне часткі альбо месца службы».

Ці мае пры сабе Аляксандар Неўмяржыцкі зброю, не ўдакладняецца.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG