Лінкі ўнівэрсальнага доступу

Кіраўнік СК: Сьледчая група ў справе Коржыча зрабіла ўсё магчымае


Сяржанты, абвінавачаныя ў сьмерці Аляксандра Коржыча

Старшыня Сьледчага камітэту Іван Наскевіч перакананы, што ў справе аб гібелі салдата Аляксандра Коржыча будзе дасягнуты прынцып справядлівасьці, піша БелаПАН.

«Я ўпэўнены ў тым, што сьледчай групай зроблена ўсё, што магчыма было ў гэтай сытуацыі, — заявіў Наскевіч у інтэрвію тэлеканалу „Беларусь-1“. — У адрас Міністэрства абароны ўнесеныя адпаведныя акты рэагаваньня. Я спадзяюся, што прыняты адпаведныя жорсткія захады, і хацелася б верыць у тое, што падобныя рэчы паўтарацца надалей ня будуць».

​Паводле кіраўніка СК, у рамках расьсьледаваньня справы Коржыча распачата 10 крымінальных спраў у дачыненьні 13 асобаў, якія тычацца нестатутных адносін у вайсковай часткі ў Печах. Восем спраў ужо накіраваныя ў суд, яшчэ дзьве знаходзяцца на завяршальнай стадыі.

Адказваючы на пытаньне, чаму ў справе не праходзяць старшыя камандзіры, Наскевіч адзначыў, што ў крымінальным праве замацаваны прынцып пэрсанальнай адказнасьці.

«Гэта значыць, з пункту гледжаньня сьледзтва абвінавачваньне прад’яўлена менавіта тым фігурантам, якія, на нашу думку, вінаватыя ў тым, што салдат наклаў на сябе рукі», — сказаў кіраўнік камітэта.

«Зразумела, — працягнуў ён, — што трэба гаварыць пра апасродкаваную віну. У сувязі з гэтым наступаюць іншыя віды адказнасьці. У прыватнасьці, камандзір часткі звольнены, камандзір роты таксама прыцягваецца да крымінальнай адказнасьці — але за тыя злачынствы, якія інкрымінуюцца яму непасрэдна. Рыхтык як і прыцягваюцца да крымінальнай адказнасьці і прапаршчык, і старшына гэтай роты. Зноў жа яму інкрымінуецца менавіта тое, у чым ён вінаваты».

Справа Аляксандра Коржыча. Што важна ведаць

3 кастрычніка 2017 году 21-гадовага радавога Аляксандра Коржыча знайшлі ў пятлі са зьвязанымі нагамі і надзетай на галаву майкай ў склепе мэдроты вайсковай часткі ў Печах пад Барысавам. Некалькі саслужыўцаў Коржыча на паседжаньні паведамілі, што чулі, быццам майка была абматаная скотчам.

5 кастрычніка ў якасьці першапачатковай вэрсіі сьледзтва назвала суіцыд, але сваякі і сябры Аляксандра Коржыча з гэтай вэрсіяй не пагадзіліся і перадалі ў рэдакцыю Свабоды фатаздымкі ягонага цела са сьлядамі прыжыцьцёвых траўмаў.

Што такое Печы і чаму адтуль шмат кепскіх навінаў?

Справа атрымала вялікі рэзананс у грамадзтве, яна знаходзілася на асабістым кантролі ў Аляксандра Лукашэнкі. Расьсьледаваньне цягнулася каля 9 месяцаў.

Асноўныя факты пра справу Аляксандра Коржыча. Відэа
пачакайце

No media source currently available

0:00 0:01:58 0:00

У выніку сьледзтва прыйшло да высновы, што Аляксандра Коржыча давялі да самагубства таварышы па службе, абвінавачаньні прад’яўленыя больш як 15 асобам. Сьвятлана Коржыч катэгарычна ня згодная з высновамі сьледзтва. На думку жанчыны, яе сына забілі, а прычынай гэтага стала нежаданьне Коржыча плаціць таварышам па службе грошы.

Пацярпелымі ў справе, акрамя сваякоў Аляксандра Коржыча, прызнаныя больш за 50 яго былых саслужыўцаў.

Пяць рэчаў, якія трэба ведаць пра справу Аляксандра Коржыча

Гвалтоўная сьмерць у Печах салдата Аляксандра Коржыча атрымала ў грамадзтве вялікі рэзананс. Былыя салдаты тэрміновай службы пачалі расказваць пра свой досьвед дзедаўшчыны і гвалту ў войску. Стала пашырацца інфармацыя пра іншыя выпадкі сьмерці маладых салдат.

Пасьля здарэньня ў вайсковай частцы ў Печах апыталі 18 тысяч дэмабілізаваных вайскоўцаў на прадмет нестатутных дачыненьняў падчас службы ў войску.

У першым паўгодзьдзі ў Беларусі асудзілі 28 асобаў паводле крымінальных спраў аб нестатутных адносінах. Усе судовыя пастановы набылі законную сілу.

Беларускае войска імя Аляксандра Коржыча. Храналёгія падзей

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG