Лінкі ўнівэрсальнага доступу

«Марш недармаедаў» у Берасьці. Каля тысячы чалавек прайшлі па вуліцах гораду

У Берасьці сёньня прайшла чарговая вулічная акцыя супраць дэкрэту № 3 — так званага «падатку на дармаедзтва».


Коратка

Паводле агучанага аргкамітэтам маршаў «Мы не дармаеды» пляну, чарговая вулічная акцыя супраць дэкрэту № 3 — так званага «падатку на дармаедзтва» — адбылася 5 сакавіка ў Берасьці.

На акцыю на пляц перад гарвыканкамам сабралася некалькі сотняў чалавек. Улады запрасілі іх у актавую залю для размовы. На гэтую прапанову адгукнуліся некалькі дзясяткаў чалавек. Астатнія пасьля кароткага мітынгу рушылі шэсьцем па вуліцы Савецкай. Да іх далучыліся іншыя гараджане. Агульная колькасьць удзельнікаў ацэньваецца ў больш за тысячу чалавек.

Удзельнікаў шэсьця віталі з балконаў жыхары гораду, кіроўцы машын на вуліцах сыгналілі на знак падтрымкі.

Зь Менску на Марш выехалі палітыкі Анатоль Лябедзька, Віталь Рымашэўскі, Мікалай Казлоў і Вольга Кавалькова, іх машыну спынілі ў 120 кілямэтрах ад Берасьця. Лябедзьку і Рымашэўскага даставілі ў РАУС Бярозы і пасьля заканчэньня маршу адпусьцілі без скаладаньня пратаколаў.

15:08 5.3.2017

Каля тысячы чалавек на Маршы «недармаедаў» у Берасьці. Фотагалерэя

15:07 5.3.2017

УЖЫВУЮ:

15:05 5.3.2017
14:41 5.3.2017
14:32 5.3.2017

У Берасьці на марш недармаедаў выйшла каля тысячы чалавек

Акцыя доўжылася 2 гадзіны. 150 чалавек былі запрошаныя ў залю гарвыканкаму на сустрэчу са старшынём Аляксандрам Рагачуком. Каля тысячы чалавек узялі ўдзел у мітынгу і маршы па цэнтральных вуліцах горада. У авангардзе былі анархісты, актывісты апазыцыі, але большасьць натоўпу склалі звычайныя гараджане.

13:57 5.3.2017

Людзі разыйшліся

Да Берасьця ўрэшце даехаў намесьнік старшыні АГП Мікалай Казлоў. Ён ехаў зь Бярозаўскага раёна, дзе машыну зь менскімі палітыкамі затрымалі, на перакладных аўтамабілях. Анатоль Лябедзька і Віталь Рымашэўскі дасюль знаходзяцца ў Бярозаўскім РАУС, паведаміў спадар Казлоў.

13:55 5.3.2017

Натальля Папкова працягвае галадоўку

Менскі актывіст Артур Фінькевіч распавёў Свабодзе, што сёньня раніцай яны наведалі Натальлю Папкову ў псыхіятрычным дыспансэры. Натальля Папкова працягвае галадоўку, лекаў ёй не прызначалі, галоўны лекар паведаміў, што ў панядзелак аб 11-й гадзіне будзе камісія, і Натальлю, хутчэй за ўсё, выпусьцяць.

13:52 5.3.2017

«Людзі нас падтрымалі», — лідэр пратэсту

Лідэр берасьцейскай акцыі недармаедаў Аляксандар Кабанаў выказаў у эфіры Свабоды сваё задавальненьне маршам:

«Людзі нас падтрымліваюць».

13:52 5.3.2017

Акцыя скончылася

Людзі разыходзяцца. Анархісты сыходзяць разам, трымаючыся за рукі.

13:48 5.3.2017

Пратэстоўцаў заклікалі на акцыю на Дзень волі

Акцыі будуць працягвацца, заявілі ля ЦУМу арганізатары маршу і заклікалі выходзіць 25 сакавіка ў Берасьці, а 11 сакавіка -- у Пінску.

13:47 5.3.2017

Людзі занялі плошчу перад берасьцейскім ЦУМам.

13:46 5.3.2017

Анархісты перакрылі рух на праспэкце Машэрава ў Берасьці, машыны сыгналяць. Бальшыня калёны — на ходніках.

13:43 5.3.2017

Пратэстоўцы заблякавалі праспэкт Машэрава

У авангардзе калёны, якая спыніла рух машын на праспэкце Машэрава, былі анархісты, якія хацелі паказаць сваю рашучасьць, але праз некалькі хвілін рух машын аднавілі.

13:31 5.3.2017

Шмат берасьцейцаў па ходу калёны далучаюцца да пратэстоўцаў, народу значна паболела.

Загрузіць яшчэ

Глядзець камэнтары (35)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG