Лінкі ўнівэрсальнага доступу

Лукашэнка: «Можа, трэба ў школе на карысьць беларускай мовы даць адну гадзіну, а не ангельскай?»


Архіўнае фота

Кіраўнік Беларусі Аляксандар Лукашэнка выказаўся за павелічэньне колькасьці гадзін беларускай мовы ў школьнай праграме.

Падчас сустрэчы зь сябрамі савету Палаты прадстаўнікоў Лукашэнка адзначыў, што цяпер вывучаецца сытуацыя і ў сфэры сярэдняй адукацыі, дзе таксама досыць шмат недахопаў. У якасьці прыкладу ён прывёў школьную праграму, у якой расейскай і нават ангельскай мове адводзіцца больш гадзін, чым беларускай мове.

«Добра, на расейскай мове мы практычна ўсе размаўляем. Але на беларускай мове, скажам адкрыта, у побыце, дома мы размаўляем менш. Дык, можа, трэба ў школе на карысьць беларускай мовы даць адну гадзіну, а не ангельскай?» — цытуе кіраўніка дзяржавы прэзыдэнцкая прэс-служба.

Незадаволены Лукашэнка і школьнай праграмай па літаратуры, у якую зь незразумелых прычын уключаюцца тыя ці іншыя творы:

«Няўжо мы ня можам тут навесьці парадак?! Нікуды ня вартая праца Міністэрства адукацыі! Занадта шмат ёсьць нараканьняў».

Глядзець камэнтары (7)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG