Лінкі ўнівэрсальнага доступу

Мікалай Петрушэнка: Топ Свабоды, чацьвер


Мікалай Петрушэнка

Лепшыя матэрыялы чацьвярга паводле вэрсіі грамадзкага рэдактара тыдня Мікалая Петрушэнкі.


Чацвер для грамадскага рэдактара тыдня – гэта палова пройдзенай працы. Зараз ужо на сваiх папярэднiкау нельга сьпісаць хібы. Набыты досьвед і практыка дазваляюць мне заўважыць, што ў рэакцыі ёсьць так бы мовіць унутраныя рэзэрвы, каб зрабіць размову са слухачамі больш цікавай, зьмястоўнай і пасьлядоўнай

Першае месца – супэрпрыз аддаю раптоўна цікаваму матэрыялу Іны Студзінскай "Аляксандар Лукашэнка назваў фармацэўтычныя кампаніі супэркарумпаванымі структурамі".

Пакуль Лукашэнка разважаў аб імпэрыяліста-манапалістах, журналіст павярнуўся да айчынных вытворцаў і лічбам ды фактамі прадэманстраваў нам, што прырода рынкавых зносін адна. Лекі, як і ўся вытворчасьць тавараў й паслугаў ёсьць тавар. Цікавая атрымалася дыялектыка. У стыл Карла Маркса, які дзесяцигодздзі дасьледавау гэта ўяўленьне, імя якому -–тавар.

Другое месца – рэпартаж "Хворыя на калідорах" Алега Грузьдзіловіча. Наведвальнікі сайту ўбачыли, а радыёслухачы пачулі даволі тыповыя зьявы. Матэрыял журналіста рэльефна сьведчыць, што у нас галоўная хвароба ні грып з пнэўманіяй і сухотамі. Наша грамадзкасьць і асабліва дзяржава мае патрэбу ў адным дыягназе – шызафранія. Раздваеньне: адны бачаць сваё, што іх хвалюе, а іншыя ўсе намаганьні накіроўваюць на тое, каб спраўдзіць тэорыю аб дынамічным разьвіцьці і эфэктыўнасьці мадэлі аля-Лукашэнка.

Трэцяе месца – за цыкл тых матэрыялаў, якія адлюстроўваюць паездку Лукашэнкі ва Ўкраіну. Але не хапіла літаральна некалькіх кропель гумару, каб зрабіць яго больш цікавым цикава.

Чацвёртае месца – матэрыялу "Асабісты рэцэпт міністра Жарко супраць грыпу", які падрыхтаваў Уладзімер Глод.
Як высьвятляецца, дэпутатка Сьвятлана Шылава – адна з самых дасьведчаных у мэдычных справах. Раней яна працавала лекарам, а цяпер намесьніца старшынш парлямэнцкай камісіі па ахове здароўя. Кажа, што трэба менш наведваць грамадзкія месцы. Але ж нашы жанчыны ходзяць на рынак, змушаныя браць з сабой дзяцей, нават цяжарныя ідуць на рынак, каб купіць там таньнейшыя тавары.

Пятае месца аналітыцы Дракахруста і Федуты. За тое што яны нам адлюстравалі ня толькі шызафрэнію беларускай улады, але ж і падазроныя паводзіны эўрапейскіх чыноўнікаў. Як чуем, нектаорыя зь іх падыгрываюць палітыцы Лукашэнкі.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG